+995 551 00 43 00თბილისი, საქართველოორშ–პარ 10:00–18:00
MMLAWსაადვოკატო ოფისი

იურიდიული დახმარება უცხოელებისთვის

საქართველოში გადმოდიხართ, ყიდულობთ ქონებას, იწყებთ ბიზნესს ან სამართლებრივი პრობლემა შეგექმნათ? უცხოელებს ვემსახურებით ინგლისურ და რუსულ ენებზე — თბილისის ოფისში ან დისტანციურად.

უცხოელებისთვის

რაში დაგეხმარებით

სისხლის სამართლის საქმეები

დაცვა დაკავების ან ბრალდების შემთხვევაში — თარჯიმნით და საკონსულოსთან კავშირით.

იმიგრაციული საქმეები

შემოსვლაზე უარის მიზეზის გარკვევა 1 300 ₾, ვადის გადაცილება, გაძევება და ბინადრობაზე უარის გასაჩივრება — სწრაფად და თქვენს ენაზე.

ქონების შეძენა

ქონების შემოწმება, უსაფრთხო ხელშეკრულება და საკუთრების რეგისტრაცია — ადგილზე ან დისტანციურად.

დავა დეველოპერთან

მშენებლობა გვიანდება, დეველოპერი არ აბრუნებს თანხას ან ბინაზე იპოთეკაა — ვიცავთ მყიდველის ინტერესებს.

კომპანია და ბიზნესი

შპს-ის რეგისტრაცია უცხოელისთვის 1 800 ₾-დან, ვირტუალური მისამართი და საბანკო ანგარიშის გახსნა — პირადად ან დისტანციურად.

მუშაობის ნებართვა და ი/მ

შრომითი საქმიანობის უფლება, ი/მ-ის რეგისტრაცია, მცირე ბიზნესის 1% და შესაბამისი ბინადრობა.

ბინადრობის ნებართვა

სამუშაო, ბიზნეს, ქონებრივი, საოჯახო და საინვესტიციო ბინადრობა — განაცხადი, გაგრძელება და გასაჩივრება.

საოჯახო საქმეები

საერთაშორისო განქორწინება, ბავშვები და ალიმენტი, უცხოური გადაწყვეტილებების ცნობა.

IT კომპანიები და სპეციალისტები

IT-ის სამი საგადასახადო რეჟიმი: ინდ. მეწარმე 1%, ვირტუალური ზონა და საერთაშორისო კომპანია 5% — პირობები და 2026 წლის ცვლილება.

აზარტული ბიზნესის ნებართვა

კაზინო, სლოტები, ტოტალიზატორი, ონლაინ და „საერთაშორისო“ ნებართვა საქართველოში: ვინ იღებს, რა პირობებით და რა ეკრძალება ორგანიზატორს.

საქართველოს მოქალაქეობა უცხოელისთვის

ჩვეულებრივი წესი (10 წელი), ქორწინებით (5 წელი), საგამონაკლისო წესი და საქართველოში დაბადებულთა წესი — 2027 წლამდე.

ქორწინება საქართველოში უცხოელებისთვის

როგორ დაქორწინდნენ უცხოელები საქართველოში: პირობები, დოკუმენტები, აპოსტილი, მოწმეები და მოწმობის გამოყენება საზღვარგარეთ.

მართვის მოწმობა უცხოელისთვის

უცხოური მოწმობით მართვა 1 წელი, გაცვლა გამოცდის გარეშე, ქართული მოწმობა 185 დღის წესით და ჯარიმა მოწმობის გარეშე მართვისთვის.

საბანკო ანგარიში არარეზიდენტისთვის

როგორ გახსნას უცხოელმა პირადი ან ბიზნეს ანგარიში ქართულ ბანკში, რას ითხოვს ბანკი, რატომ ამბობს უარს და როგორ მოემზადოთ.

საგადასახადო რეზიდენტობა

როდის ხდებით საქართველოს საგადასახადო რეზიდენტი, რეზიდენტობის ცნობა, HNWI სტატუსი და უცხოური შემოსავლის გათავისუფლება.

ორმაგი დაბეგვრის ხელშეკრულებები

ორმაგი დაბეგვრის ხელშეკრულებები: როგორ მუშაობს და რა განაკვეთებია ბრიტანეთთან, გერმანიასთან და აშშ-თან.

კრიპტოვალუტა: გადასახადი და VASP რეგისტრაცია

ფიზიკური პირის კრიპტო შემოსავალი გადასახადისგან თავისუფალია; კრიპტო ბიზნესს ეროვნული ბანკის VASP რეგისტრაცია სჭირდება.

კომპანიის შემოწმება საქმიან ურთიერთობამდე

ქართული კომპანიის შემოწმება ხელშეკრულებამდე: მეწარმეთა რეესტრი, გირავნობა, მოვალეთა რეესტრი, სასამართლო და ვალები.

მიწა უცხოელისთვის

უცხოელს არასასოფლო-სამეურნეო მიწის ყიდვა შეუძლია; სასოფლო-სამეურნეო მიწა — მხოლოდ მემკვიდრეობით ან საინვესტიციო გეგმით.

დისტანციური მუშაობა საქართველოდან

უცხოელი, რომელიც საქართველოდან უცხოურ კომპანიას უმუშავებს: უვიზო ყოფნა, სამუშაო ნებართვა, 20% გადასახადი და ინდმეწარმის 1%.

ბავშვის დაბადება საქართველოში უცხოელი მშობლებისთვის

უცხოელი მშობლების ბავშვი საქართველოში: დაბადების მოწმობა, აპოსტილი, მოქალაქეობა, ბინადრობა და ბავშვთან ერთად ქვეყნიდან გასვლა.

უცხოური ნომრებით ავტომობილი და განბაჟება

უცხოური ნომრით ავტომობილი საქართველოში: 90 დღე, სასაზღვრო დაზღვევა, ჯარიმები, გაყიდვა და განბაჟების აქციზი 2026 წლიდან.

რამდენ ხანს შეიძლება ყოფნა

უვიზოდ 1 წელი სიის ქვეყნებისთვის, სხვებისთვის — 90 დღე 180-დან ან ვიზა: ვადის დათვლა, ვიზარანი, ბინადრობა, ჯარიმა.

რისი შემოტანა შეიძლება საქართველოში

უბაჟოდ შემოტანა: თვითმფრინავით 3 000 ლარი, სხვა გზით 500 ლარი, ალკოჰოლი, სიგარეტი, ნაღდი ფული და საცხოვრებლად გადმოსვლა.

კანონები უცხოელებისთვის

რისთვის აჯარიმებენ უცხოელს საქართველოში: ალკოჰოლი ქუჩაში, მოწევა, მარიხუანა, ნასვამი მართვა, აფხაზეთი, ვადის გადაცილება.

მინდობილობა უცხოეთიდან

როგორ გაუფორმოთ უცხოეთიდან მინდობილობა ადვოკატს საქართველოში: როდის საკმარისია ორდერი, ნოტარიუსი, აპოსტილი ან ლეგალიზაცია, თარგმანი.

უცხოელი — დანაშაულის მსხვერპლი

თუ საქართველოში დაგაზარალეს — მოგატყუეს, მოგპარეს ან გცემეს: როგორ შეატყობინოთ, დაზარალებულის უფლებები, თარჯიმანი და რა ხდება, თუ ქვეყანას ტოვებთ.

მანქანის ქირაობის დავები

ქირაობის კომპანია დაზიანებისთვის თანხას ითხოვს ან დეპოზიტს არ აბრუნებს: რას ამბობს სამოქალაქო კოდექსი და მომხმარებლის უფლებების კანონი.

დაშავება დასვენებისას — ზიანის ანაზღაურება

დაშავდით სასტუმროში, ტრანსპორტში, სათხილამურო კურორტზე ან ტურისტულ აქტივობაზე: ვინ აგებს პასუხს და რისი ანაზღაურების მოთხოვნა შეიძლება.

ბინადრობა ქონების ყიდვით ან ინვესტიციით

უძრავი ქონება 150 000 ან 300 000 აშშ დოლარზე მეტი, ან 300 000 აშშ დოლარის ინვესტიცია: მოკლევადიანი, საინვესტიციო და უვადო ბინადრობა.

საქართველოში გადმოსახლება

ნაბიჯ-ნაბიჯ: რამდენ ხანს შეიძლება ყოფნა, რომელი ბინადრობა გჭირდებათ, როდის ხდებით საგადასახადო რეზიდენტი, ბანკი, ბიზნესი და ქონება.

პენსიაზე გასვლა საქართველოში

უცხოელი პენსიონერი საქართველოში: რამდენ ხანს შეიძლება დარჩენა, რომელი ბინადრობა გამოდგება და იბეგრება თუ არა უცხოური პენსია.

უცხოური შემოსავლის გადასახადი

იბეგრება თუ არა საქართველოში უცხოური დივიდენდი, აქციების გაყიდვა, პროცენტი და კრიპტო — რეზიდენტისთვის და არარეზიდენტისთვის.

ავარია საქართველოში

ავტოსაგზაო შემთხვევა საქართველოში: მძღოლის მოვალეობები, პოლიცია, დაზღვევა, ნაქირავები მანქანა და როდის იწყება სისხლის სამართლის საქმე.
მიიღე კონსულტაციაკონსულტაცია 300 ₾-დან
01

ინგლისური და რუსული

კონსულტაციები, დოკუმენტები და მიმოწერა თქვენთვის გასაგებ ენაზე.

02

დისტანციურად

საქმეების უმეტესობა შეიძლება ონლაინ წარიმართოს; საჭიროებისას ვმოქმედებთ მინდობილობით.

03

ერთი ოფისი ყველაფრისთვის

ქონება, ბიზნესი, ბინადრობა და დავები — ერთ გუნდთან.

ხშირად დასმული კითხვები

შეიძლება დისტანციურად ვითანამშრომლოთ?

დიახ. საქმეების უმეტესობა ონლაინ და ტელეფონით წყდება; სადაც საქართველოში ხელმოწერაა საჭირო, შეგვიძლია თქვენი სახელით ვიმოქმედოთ სანოტარო მინდობილობით.

ინგლისურად და რუსულად მუშაობთ?

დიახ. კონსულტაციები, დოკუმენტები და მიმოწერა ხელმისაწვდომია ქართულ, ინგლისურ და რუსულ ენებზე.

საჭიროა უცხოურ დოკუმენტებზე აპოსტილი?

ეს ქვეყანაზეა დამოკიდებული: ზოგი ქვეყნის დოკუმენტებს სჭირდება აპოსტილი, ზოგს — საკონსულო ლეგალიზაცია, ზოგი ქვეყნის დოკუმენტებს კი დამატებითი დამოწმება არ სჭირდება. დამოწმებული ქართული თარგმანი, როგორც წესი, საჭიროა. გეტყვით, რა სჭირდება თქვენს დოკუმენტებს.

უცხოელი ვარ და საქართველოში დამაკავეს. რა უფლებები მაქვს?

გაქვთ დუმილის უფლება, ადვოკატის უფლება ნებისმიერ დაკითხვამდე, უფასო თარჯიმნის უფლება და საკონსულოსთვის შეტყობინების უფლება. დაუყოვნებლივ მოითხოვეთ ადვოკატი და ხელი არ მოაწეროთ იმას, რაც არ გესმით.

ეცნობება თუ არა ჩემს საკონსულოს?

დიახ, თქვენი მოთხოვნის გარეშეც. დაკავებიდან არა უგვიანეს 3 საათისა ეს უნდა ეცნობოს საგარეო საქმეთა სამინისტროს, რომელიც მაშინვე ატყობინებს თქვენი ქვეყნის საელჩოს ან საკონსულოს (სისხლის სამართლის საპროცესო კოდექსის 177-ე მუხლი).

შეუძლია ოჯახს საზღვარგარეთიდან ადვოკატის აყვანა?

დიახ. ოჯახის წევრს შეუძლია დაგვიკავშირდეს ტელეფონით ან WhatsApp-ით; ხელშეკრულებას დისტანციურად ვაფორმებთ და საქმეში დაუყოვნებლივ ვერთვებით.

რა ღირს დახმარება, თუ საზღვარზე შემოსვლაზე უარი მითხრეს?

1 300 ₾. ფასში შედის უარის მიზეზის გარკვევა და ინფორმაციის მოძიება, ადმინისტრაციულ ორგანოებთან დაკავშირება თქვენი სახელით და ოფიციალური ინფორმაციის წერილობით გამოთხოვა. დაგვჭირდება თქვენი მინდობილობა.

რამდენი დღე მაქვს გაძევების გადაწყვეტილების გასაჩივრებისთვის?

შსს-ის გადაწყვეტილებაზე — 10 დღე ჩაბარებიდან. თუ გაძევება მოსამართლემ ბრძანა, საჩივრისთვის მხოლოდ 5 დღე გაქვთ (ადმინისტრაციული საპროცესო კოდექსი). ადვოკატს მაშინვე მიმართეთ.

შეიძლება საქმის წარმოება, თუ უკვე საზღვარგარეთ ვარ?

დიახ. მინდობილობით ვაწარმოებთ საქმეს და გაცნობებთ ყველა ნაბიჯს.

ჯარიმის გადახდა შემოსვლის აკრძალვას აუქმებს?

არა. ვადის გადაცილებისას ჯარიმა და შემოსვლის აკრძალვა ერთად ინიშნება.

მეორადი ბინის ყიდვისას რა უნდა შევამოწმო?

რეესტრის ამონაწერი — ვინ არის მესაკუთრე, ადევს თუ არა იპოთეკა ან ყადაღა; ხომ არ არის ბინა მეუღლეთა საერთო ან ბავშვის ქონება; ხომ არ არის გაქირავებული. ბავშვის ბინის გაყიდვას სასამართლოს თანხმობა სჭირდება, ხოლო გაქირავებულ ბინაში ქირავნობა გრძელდება (სამოქალაქო კოდექსის 183-ე და 572-ე მუხლები).

შეუძლიათ უცხოელებს საქართველოში ქონების ყიდვა?

დიახ. უცხოელ ფიზიკურ და იურიდიულ პირებს შეუძლიათ შეიძინონ ბინა, სახლი, კომერციული ფართი და არასასოფლო-სამეურნეო მიწა. სასოფლო-სამეურნეო მიწის შეძენა უცხოელებისთვის შეზღუდულია, კანონით დადგენილი გამონაკლისებით.

ქონების ყიდვა ბინადრობის ნებართვას მაძლევს?

ქონების ფლობა შეიძლება გახდეს მოკლევადიანი ბინადრობის ნებართვის საფუძველი, თუ მისი ღირებულება კანონით დადგენილ ზღვარს აღწევს (2026 წლის 1 მარტიდან — 150 000 აშშ დოლარზე მეტი). ნებართვა ავტომატურად არ გაიცემა — მასზე განაცხადი უნდა შეიტანოთ.

შეიძლება ქონების ყიდვა საქართველოში ჩამოსვლის გარეშე?

დიახ. შეგიძლიათ გასცეთ სანოტარო მინდობილობა (საზღვარგარეთ ხელმოწერისას — თუ ქვეყანა ამას მოითხოვს, აპოსტილით) ადვოკატზე ან სანდო პირზე, რომელიც თქვენი სახელით მოაწერს ხელს და დაარეგისტრირებს შეძენას.

ვინ იხდის გადასახადს ბინის ყიდვისას?

მყიდველი იხდის საჯარო რეესტრში რეგისტრაციის საფასურს. გამყიდველი ფიზიკური პირი, რომელსაც ბინა 2 წელზე მეტი ხნის განმავლობაში ჰქონდა, გაყიდვიდან მიღებულ ნამეტზე საშემოსავლო გადასახადს არ იხდის.

შეუძლია უცხოელს ბინის ყიდვა ბინადრობის ნებართვის გარეშე?

დიახ. ბინის, სახლის და არასასოფლო-სამეურნეო მიწის ყიდვა ბინადრობის ნებართვისა და მოქალაქეობის გარეშეც შეიძლება. შეზღუდვა მხოლოდ სასოფლო-სამეურნეო მიწას ეხება.

ბინის ყიდვით ბინადრობის ნებართვას მივიღებ?

მხოლოდ თუ უძრავი ქონების საბაზრო ღირებულება 150 000 აშშ დოლარს აღემატება (2026 წლის 1 მარტიდან) — და მხოლოდ განცხადებით. ეს არის მოკლევადიანი ბინადრობის ნებართვა 1 წლით, რომლის გაგრძელებაც შეიძლება.

ბათუმში მშენებარე ბინის ყიდვა — რა შევამოწმო?

რომ მიწა საჯარო რეესტრში დეველოპერის საკუთრებაა და იპოთეკით დატვირთული არ არის; მშენებლობის ნებართვა და დაშვებული სართულების რაოდენობა; დეველოპერის დასრულებული პროექტები და სასამართლო დავები. გადაიხადეთ ეტაპობრივად, მშენებლობის მიხედვით, ხელშეკრულებაში კი უნდა ეწეროს დასრულების ვადა და პირგასამტეხლო დაგვიანებისთვის. ამ ყველაფერს გადახდამდე ვამოწმებთ.

დეველოპერი ვადას არღვევს — რა შემიძლია?

ხელშეკრულების მიხედვით, შეიძლება მოითხოვოთ პირგასამტეხლო, ზიანის ანაზღაურება ან ხელშეკრულების შეწყვეტა და თანხის დაბრუნება. ჯერ ხელშეკრულებას ვამოწმებთ.

საქმის წარმოება შეიძლება, თუ საზღვარგარეთ ვცხოვრობ?

დიახ. მინდობილობით ვმოქმედებთ თქვენი სახელით — მოლაპარაკებაზეც და სასამართლოშიც.

რა ვქნა, სანამ ბინისთვის თანხას გადავიხდი?

შეამოწმეთ დეველოპერი, მიწის მესაკუთრე, იპოთეკა და ნებართვები და ხელშეკრულება ადვოკატს წააკითხეთ. ეს ყველაზე იაფი დაცვაა.

რა ღირს კომპანიის რეგისტრაცია?

1 800 ₾, თუ საქართველოში იმყოფებით, და 2 700 ₾, თუ რეგისტრაცია დისტანციურად ხდება. ფასი საბოლოოა და დღგ-ს მოიცავს; სახელმწიფო საფასურს ცალკე იხდით.

გარანტიას იძლევით, რომ ბანკი ანგარიშს გახსნის?

არა. გადაწყვეტილებას ბანკი იღებს და უარის თქმა მიზეზის მითითების გარეშეც შეუძლია. ჩვენ ვამზადებთ დოკუმენტებს და გეხმარებით, რომ განაცხადი მაქსიმალურად სრული იყოს.

შეუძლია უცხოელს საქართველოში კომპანიის 100%-ის ფლობა?

დიახ. უცხოელი ფიზიკური და იურიდიული პირები შეიძლება იყვნენ ქართული შპს-ის ერთადერთი დამფუძნებელი და დირექტორი.

საჭიროა საქართველოში ყოფნა კომპანიის დასარეგისტრირებლად?

აუცილებელი არ არის. რეგისტრაცია შესაძლებელია წარმომადგენლის მეშვეობით, სანოტარო მინდობილობით. საბანკო ანგარიშის გახსნა, როგორც წესი, მეტ მომზადებას მოითხოვს, რადგან თითოეული ბანკი საკუთარ შემოწმებას ატარებს.

როგორ იბეგრება კომპანიები საქართველოში?

მოგების გადასახადი (15%), ძირითადად, მხოლოდ მოგების განაწილებისას იხდიან — მაგალითად, დივიდენდის სახით. ინდმეწარმის მცირე ბიზნესის სტატუსი ითვალისწინებს ბრუნვის 1%-იან გადასახადს წლიურ ლიმიტამდე. გეტყვით, რომელი რეჟიმი შეესაბამება თქვენს საქმიანობას.

ინდივიდუალურ მეწარმეს სჭირდება შრომითი საქმიანობის უფლება?

დიახ. თვითდასაქმებული უცხოელი, მათ შორის ი/მ, საქმიანობისთვის ამ უფლებას საჭიროებს.

ვის არ ეხება ეს წესი?

მაგალითად, მუდმივი ბინადრობის ნებართვის მქონე უცხოელს. სხვა გამონაკლისებს თქვენს შემთხვევაზე შევამოწმებთ.

რა ხდება, თუ წლიური შემოსავალი 500 000 ლარს გადააჭარბებს?

იმ თვის დასაწყისიდან წლის ბოლომდე მთელი შემოსავალი 3%-ით იბეგრება.

რამდენ ხანს განიხილება ბინადრობის განაცხადი?

სტანდარტულად — 30 დღე (300 ₾). დაჩქარებით — 20 დღე (450 ₾) ან 10 დღე (600 ₾). საქართველოს მოქალაქის მეუღლის განაცხადი — 90 დღემდე.

შეიძლება უარის გასაჩივრება?

დიახ — სასამართლოში, გადაწყვეტილების ჩაბარებიდან 10 კალენდარული დღის განმავლობაში. ვადა ძალიან მოკლეა, ამიტომ უარის მიღებისთანავე დაგვიკავშირდით.

საჭიროა სამუშაო ნებართვა საქართველოში მუშაობისთვის?

2026 წლის 1 მარტიდან უცხოელს საქართველოში მუშაობისთვის ან ბიზნესისთვის შრომითი საქმიანობის უფლება სჭირდება — მუდმივი ბინადრობის ნებართვის მქონე პირებისა და კანონით გათვალისწინებული სხვა გამონაკლისების გარდა. მუშაობის დაწყებამდე შევამოწმებთ, რა ეხება თქვენს შემთხვევას.

რამდენ ხანს შემიძლია უვიზოდ ყოფნა?

სიაში შეტანილი ქვეყნების მოქალაქეებს — სრული 1 წელი; სხვა უცხოელს, რომელსაც მოკლევადიანი ვიზა არ სჭირდება — ნებისმიერ 180 დღეში 90 დღე. დანარჩენებს საქართველოს ვიზა სჭირდებათ, ან უვიზოდ შემოდიან მთავრობის სიაში შეტანილი ქვეყნის ვიზით ან ბინადრობის ნებართვით — იმ დადგენილებით დადგენილი ვადითა და პირობებით. ძველი პროგრამა „Remotely from Georgia“ ამჟამად აქტიური არ არის — ხანგრძლივი ცხოვრებისთვის ბინადრობის ნებართვაა საჭირო.

შემიძლია ბინადრობის გაგრძელება საზღვარგარეთიდან?

დიახ — ონლაინ, ვიდეოკავშირით. განაცხადიდან 10 დღეში დოკუმენტების დედნები ქაღალდზეც უნდა წარადგინოთ — ამას თქვენი წარმომადგენელიც შეძლებს.

როგორ გავიგო, რა ეტაპზეა ბინადრობის განაცხადი?

სახელმწიფო სერვისების განვითარების სააგენტოს ცხელ ხაზზე (+995 32 2 40 10 10) ან იუსტიციის სახლში. ჩვენი კლიენტების განაცხადებს თავად ვადევნებთ თვალს.

შეუძლიათ უცხოელებს საქართველოში განქორწინება?

ხშირად — დიახ, განსაკუთრებით თუ ქორწინება საქართველოში დარეგისტრირდა ან ერთ-ერთი მეუღლე აქ ცხოვრობს. რომელი სასამართლოა უფლებამოსილი და რომელი ქვეყნის სამართალი გამოიყენება, საქმეზეა დამოკიდებული — ჯერ კონსულტაცია გაიარეთ.

მოქმედებს უცხოური სასამართლოს გადაწყვეტილება საქართველოში?

აღსრულებამდე უცხოური სასამართლოს გადაწყვეტილება, როგორც წესი, საქართველოში უნდა იქნეს ცნობილი. ცნობას საქართველოს უზენაესი სასამართლო ახორციელებს; ჩვენ ვამზადებთ შუამდგომლობასა და ნათარგმნ დოკუმენტებს.

რა ვქნა, თუ მეორე მშობელმა ბავშვი საზღვარგარეთ წაიყვანა?

თუ ბავშვი უკანონოდ იქნა გაყვანილი ან დაკავებული ჰააგის კონვენციის მონაწილე ქვეყანაში, შესაძლებელია მისი დაბრუნების მოთხოვნა. იმოქმედეთ სწრაფად — ამ საქმეებში დრო გადამწყვეტია.

რომელი სჯობს — ინდ. მეწარმე 1% თუ ვირტუალური ზონა?

მარტო მომუშავე ფრილანსერისთვის ინდ. მეწარმე 1% ყველაზე მარტივია. ვირტუალური ზონა კომპანიისთვისაა და მაშინ ღირს, როცა IT პროდუქტს ძირითადად საზღვარგარეთ აწვდით და მოგების განაწილებას გეგმავთ. სწორი არჩევანი შემოსავალზე, კლიენტებზე და გეგმებზეა დამოკიდებული.

შეიძლება ახლად შექმნილ კომპანიას საერთაშორისო კომპანიის სტატუსი მიენიჭოს?

შეიძლება, თუ 2-წლიანი IT გამოცდილება აქვს უცხოურ კომპანიას, რომლის წარმომადგენელიც არის, ან 50%-ზე მეტი წილის მქონე პარტნიორ კომპანიებს. ამასთან, საქმიანობა რეალურად საქართველოში უნდა ხორციელდებოდეს.

რამდენ ხანში ენიჭება ვირტუალური ზონის სტატუსი?

განცხადებიდან არაუგვიანეს 10 სამუშაო დღეში, ხოლო სერტიფიკატი — სტატუსის მინიჭებიდან 2 სამუშაო დღეში.

საკმარისია ინდმეწარმის რეგისტრაცია საქართველოში სამუშაოდ?

2026 წლის 1 მარტიდან — არა. საჭიროა შრომითი საქმიანობის უფლებაც და შესაბამისი ბინადრობის ნებართვა ან ვიზა.

სერვერები საქართველოში უნდა იყოს?

ონლაინ კაზინოს ნებართვისთვის — დიახ: თამაშობის წესში უნდა მიეთითოს სერვერების საქართველოში განთავსების მისამართი და მისამართი, საიდანაც თამაშობა იმართება (მე-19 მუხლის 1³ პუნქტის „ა.ა“ ქვეპუნქტი).

შეუძლია უცხოურ კომპანიას ნებართვის მიღება?

პირდაპირ — არა. ნებართვა მხოლოდ საქართველოში რეგისტრირებულ მეწარმეზე გაიცემა, ამიტომ ჯერ ქართული კომპანია უნდა დარეგისტრირდეს — ეს ჩვენ შეგვიძლია მოვაგვაროთ.

რა არის „საერთაშორისო“ ონლაინ ნებართვა?

ეს არის ონლაინ კაზინოს, სლოტების ან ტოტალიზატორის ნებართვა, რომლითაც მოწყობილ თამაშში საქართველოს მოქალაქეების დაშვება აკრძალულია.

რამდენ საიტს ფარავს ერთი ონლაინ ნებართვა?

ონლაინ კაზინოსა და სათამაშო აპარატების ერთი ნებართვით მხოლოდ ერთი დომენის სახელით არსებული ვებგვერდის ორგანიზება შეიძლება.

რამდენი წელი უნდა ვიცხოვრო საქართველოში მოქალაქეობისთვის?

ჩვეულებრივი წესით — ბოლო 10 წელი, კანონიერად და უწყვეტად. საქართველოს მოქალაქის მეუღლეს — 5 წელი. მოქალაქეობის არმქონე პირს სტატუსით — 5 წელი.

შემიძლია ჩემი მოქალაქეობის შენარჩუნება (ორმაგი მოქალაქეობა)?

მხოლოდ საგამონაკლისო წესით მინიჭებისას. ჩვეულებრივი წესით და ქორწინებით მიღებისას წინა მოქალაქეობა უნდა შეწყვიტოთ.

მამა ქართველი მყავს — მოქალაქეობა მეკუთვნის?

თუ თქვენი დაბადებისას მშობელი საქართველოს მოქალაქე იყო, თქვენ დაბადებით ხართ მოქალაქე. სრულწლოვნისთვის ქართული წარმომავლობა მხოლოდ საგამონაკლისო წესით მინიჭებისას ითვლება.

საქართველოში დავიბადე საბჭოთა პერიოდში — რა მეკუთვნის?

თუ 1993 წლის 31 მარტს საქართველოში ცხოვრობდით (ან აქ დაიბადეთ და 1991 წლის 21 დეკემბრის შემდეგ წახვედით) და სხვა მოქალაქეობა არ მიგიღიათ, საქართველოს მოქალაქედ ითვლებით — სააგენტო ამას ადგენს. თუ ეს პირობები არ გაქვთ, საქართველოში დაბადებულს მოქალაქეობის მიღება ენის, ისტორიისა და სამართლის გამოცდებით შეუძლია, 10-წლიანი ცხოვრების გარეშე. ორივე წესი 2027 წლის 1 იანვრამდე მოქმედებს.

რამდენ ხანს განიხილება განცხადება?

კანონით — 3 თვე. გადაწყვეტილებას პრეზიდენტი იღებს.

ქართული ფესვებით შეიძლება მოქალაქეობის მიღება?

ჩვეულებრივი წესით — არა. წარმომავლობას ითვალისწინებენ საგამონაკლისო წესით მინიჭებისას, თუ საქართველოს სამშობლოდ მიიჩნევთ და თქვენ ან თქვენი წინაპარი ოკუპირებული ტერიტორიიდან ხართ ან ემიგრაციაში პოლიტიკური ან მძიმე სოციალურ-ეკონომიკური მიზეზით წავიდა (17-ე მუხლი). ენის, ისტორიისა და სამართლის ცოდნა მაინც საჭიროა.

რისგან შედგება მოქალაქეობის გამოცდა?

ქართული ენა, საქართველოს ისტორია და სამართლის ძირითადი საფუძვლები — ტესტით ან გასაუბრებით. შედეგი 1 წელი მოქმედებს.

შეიძლება საქართველოს მოქალაქეობის მიღება ინვესტიციით?

ფიქსირებული თანხით — არა. მნიშვნელოვანი ინვესტიცია საგამონაკლისო წესით მინიჭებისას ერთ-ერთი გარემოებაა, რომელსაც პრეზიდენტი ითვალისწინებს (მე-17 მუხლი). გადაწყვეტილება მის შეხედულებაზეა.

შეუძლიათ ორ უცხოელს საქართველოში დაქორწინება?

დიახ, თუ ორივე საქართველოში კანონიერად იმყოფება. მოქალაქეობის მოთხოვნა არ არსებობს.

შეიძლება მინდობილობით დაქორწინება, თუ საქართველოში არ ვართ?

არა — კანონით, ქორწინება ორივე პირის და ორი მოწმის თანდასწრებით რეგისტრირდება, წარმომადგენლის მეშვეობით რეგისტრაცია დაუშვებელია („სამოქალაქო აქტების შესახებ“ კანონის 52-ე მუხლი). მაგრამ წინასწარ ყველაფერს ჩვენ მოვამზადებთ: მინდობილობით შევიტანთ ქორწინების განცხადებას, მოვამზადებთ დოკუმენტებს, აპოსტილს და თარგმანს და დავჯავშნით რეგისტრაციის დღეს. თქვენ მხოლოდ რეგისტრაციის დღეს ჩამოდიხართ.

რამდენ ხანში დაგვაქორწინებენ?

სავალდებულო მოლოდინის ვადა არ არის. ქორწინება განცხადებაში მითითებულ დროს რეგისტრირდება.

ცნობენ ჩვენს ქორწინებას ჩვენს ქვეყანაში?

ბევრი ქვეყანა ცნობს ქორწინებას, რომელიც საზღვარგარეთ ადგილობრივი კანონით დაიდო. მოწმობას აპოსტილი და თარგმანი სჭირდება. ცნობის კონკრეტული წესები თქვენი ქვეყნის კანონით განისაზღვრება — წინასწარ ვამოწმებთ.

ეკლესიაში ჯვრისწერა საკმარისია?

არა. იურიდიულ ძალას მხოლოდ სახელმწიფოს მიერ რეგისტრირებული ქორწინება იძენს.

საქართველოს მოქალაქესთან ქორწინებით ბინადრობის ნებართვას მივიღებ?

დიახ, მაგრამ 2026 წლის 1 სექტემბრიდან ჯერ დროებითს — 1 წლით, შემდეგ 2-2 წლით 5 წლამდე, მერე კი მუდმივს. კომისია ამოწმებს, ნამდვილია თუ არა ქორწინება.

შემიძლია საქართველოში ჩემი ქვეყნის მოწმობით ვატარო?

დიახ — მოწმობის ვადის გასვლამდე, მაგრამ არაუმეტეს საქართველოში ბოლო შემოსვლიდან 1 წლისა. თუ მოწმობა ლათინური ან ქართული ასოებით არ არის შედგენილი, მას დამოწმებული თარგმანი სჭირდება.

გამოცდის ჩაბარება მომიწევს მოწმობის გაცვლისას?

არა. გაცვლა გამოცდის გარეშე ხდება, თუ მოწმობა მოქმედია და გამცემი ქვეყნის დადასტურება წარადგინეთ.

რა ჯარიმაა მოწმობის გარეშე მართვისთვის?

500 ლარი; წლის განმავლობაში განმეორებით — 1 500 ლარი ან 15 დღემდე ადმინისტრაციული პატიმრობა.

რომელ ენაზე ბარდება თეორიული გამოცდა?

ქართულის გარდა ინგლისურ, რუსულ, თურქულ, აზერბაიჯანულ, სომხურ, აფხაზურ და ოსურ ენებზე.

შეუძლია უცხოელს ქართულ ბანკში ანგარიშის გახსნა?

დიახ. ზოგ ბანკში საკმარისია პასპორტი და მობილურის ნომერი, თუმცა ბანკმა შეიძლება ფილიალში მისვლაც მოითხოვოს.

რატომ მითხრა ბანკმა უარი მიზეზის გარეშე?

კანონით ბანკი ვალდებულია უარი თქვას, თუ კლიენტის და თანხების შემოწმებას ვერ ახერხებს, და მიზეზის დეტალურად ახსნა არ ევალება. შეგიძლიათ სწორი დოკუმენტებით ხელახლა ან სხვა ბანკს მიმართოთ.

შეიძლება ანგარიშის გახსნა საქართველოში ჩამოსვლის გარეშე?

ზოგ შემთხვევაში — მინდობილობით ან დისტანციური იდენტიფიკაციით, მაგრამ ეს ბანკზეა დამოკიდებული.

რა ღირს თქვენი მომსახურება?

ანგარიშის გახსნის ფასები მითითებულია კომპანიის რეგისტრაციის გვერდზე.

რამდენია დაზღვეული ქართულ ბანკში?

ერთ ბანკში ერთ მეანაბრეზე 50 000 ლარამდე, 2027 წლის 1 იანვრიდან — 100 000 ლარამდე.

ავტომატურად ვხდები რეზიდენტი 183 დღის შემდეგ?

დიახ — 183 დღე ნებისმიერ უწყვეტ 12-თვიან პერიოდში, რომელიც საგადასახადო წელს მთავრდება, თქვენ რეზიდენტად მთელი ამ წლისთვის გხდით. ცნობა კი ცალკე უნდა მოითხოვოთ.

რეზიდენტი ვარ — უცხოურ შემოსავალზე გადასახადს ვიხდი საქართველოში?

არა. რეზიდენტი ფიზიკური პირის უცხოური წყაროდან მიღებული შემოსავალი საქართველოში გათავისუფლებულია. თქვენი ქვეყნის კანონი შეიძლება სხვაგვარად მიიჩნევდეს — ამას ცალკე ვამოწმებთ.

დეპოზიტის პროცენტი იბეგრება?

ფიზიკური პირის მიერ ლიცენზირებული ფინანსური ინსტიტუტიდან — მაგალითად, ბანკიდან — მიღებული პროცენტი არ იბეგრება და ერთობლივ შემოსავალში არ ჩაირთვება.

რამდენ ხანში გაიცემა რეზიდენტობის ცნობა?

30 კალენდარული დღის განმავლობაში. თუ ვადაში ვერ ხერხდება, სამსახური გაცნობებთ მოსალოდნელ თარიღს.

საქართველო საგადასახადო სამოთხეა? ჩემს ქვეყანაშიც მომიწევს გადასახადი?

საქართველოში გადასახადები დაბალი და მარტივია: საშემოსავლო — 20%, მოგების გადასახადი მხოლოდ მოგების განაწილებისას, მცირე ბიზნესისთვის — 1%, ხოლო რეზიდენტის უცხოური შემოსავალი და საბანკო პროცენტი არ იბეგრება. თუმცა საქართველო ორმაგი დაბეგვრის ხელშეკრულებებით და CRS-ით ინფორმაციას უცვლის სხვა ქვეყნებს. თქვენს ქვეყანაში გადასახადის გადახდა მისი რეზიდენტობის წესებზეა დამოკიდებული.

HNWI სტატუსისთვის საქართველოში ცხოვრება მჭირდება?

183 დღე არ გჭირდებათ. საჭიროა 3 მლნ ლარზე მეტი ქონება ან 200 000 ლარზე მეტი წლიური შემოსავალი ბოლო 3 წელს, საქართველოში სულ მცირე 500 000 დოლარის ქონება და ბინადრობის ნებართვა ან წინა წელს საქართველოში მიღებული 25 000 ლარის შემოსავალი.

რამდენ ხანში მენიჭება HNWI სტატუსი და რა ვადით?

სრული დოკუმენტებით შემოსავლების სამსახური 7 სამუშაო დღეში წარუდგენს საქმეს ფინანსთა მინისტრს. სტატუსი ერთ საგადასახადო წელზე ენიჭება და ყოველ წელს ხელახლა უნდა მოითხოვოთ.

1% გადასახადი საგადასახადო რეზიდენტობაზეა დამოკიდებული?

არა. 1% მცირე ბიზნესის სტატუსის მქონე ინდმეწარმის შემოსავლის განაკვეთია, 500 000 ლარის გადაჭარბებისას — 3% (საგადასახადო კოდექსის 89-ე და 90-ე მუხლები). რეზიდენტობა (34-ე მუხლი) ცალკე საკითხია.

რამდენი ორმაგი დაბეგვრის ხელშეკრულება აქვს საქართველოს?

ბევრ ქვეყანასთან, მათ შორის დიდ ბრიტანეთთან და გერმანიასთან. სრული სია ფინანსთა სამინისტროს საიტზეა — თქვენს ქვეყანასთან ხელშეკრულებას ჩვენ შევამოწმებთ.

აქვს საქართველოს ხელშეკრულება აშშ-თან?

საქართველოს სიაში — არა, მაგრამ IRS თვლის, რომ საქართველოზე 1973 წლის აშშ–სსრკ ხელშეკრულება ვრცელდება. აშშ-ის მოქალაქე ნებისმიერ შემთხვევაში აშშ-ში იბეგრება მსოფლიო შემოსავალზე.

როგორ ვისარგებლო ხელშეკრულებით?

გჭირდებათ რეზიდენტობის ცნობა იმ ქვეყნიდან, სადაც რეზიდენტი ხართ. საქართველოს ცნობას შემოსავლების სამსახური 30 დღეში გასცემს.

VASP ლიცენზია მჭირდება?

საქართველოში ვირტუალური აქტივების მომსახურების პროვაიდერი ეროვნულ ბანკში რეგისტრირდება — ინგლისურად ამას „VASP license“ ჰქვია. რეგისტრაციის პირობები, კაპიტალი და ვადები ამ გვერდზეა ჩამოთვლილი.

კრიპტოს გაყიდვით მიღებულ შემოსავალზე გადასახადს ვიხდი?

ფიზიკური პირი — არა: ფინანსთა სამინისტროს 2019 წლის საჯარო გადაწყვეტილებით, ეს შემოსავალი საშემოსავლო გადასახადისგან თავისუფალია. კომპანიისთვის სხვა წესები მოქმედებს.

კრიპტო ბირჟის გახსნა შემიძლია ინდ. მეწარმედ?

არა. VASP-ად დარეგისტრირება მხოლოდ შპს-ს ან სს-ს შეუძლია.

რამდენი კაპიტალი სჭირდება VASP-ს?

150 000-დან 350 000 ლარამდე — მომსახურების სახეობის მიხედვით. ადრე დარეგისტრირებულებმა ეს მოთხოვნა 2027 წლის 1 სექტემბრამდე უნდა დააკმაყოფილონ.

ქართული კომპანიის შესახებ ინფორმაცია საჯაროა?

დიახ. მეწარმეთა რეესტრის მონაცემები და რეგისტრაციის დოკუმენტების ასლები საჯაროა; ოფიციალური ამონაწერი საფასურით გაიცემა.

შეიძლება გავიგო, ვინ არის კომპანიის რეალური მფლობელი?

რეესტრი იურიდიულ მესაკუთრეებს აჩვენებს. ბენეფიციარი მესაკუთრეების საჯარო რეესტრი საქართველოში არ არის, ამიტომ რთულ სტრუქტურებში დამატებითი შემოწმება გვჭირდება.

რამდენ ხანს გრძელდება შემოწმება?

ძირითადი შემოწმება, როგორც წესი, რამდენიმე სამუშაო დღეს; სრული due diligence დამოკიდებულია კომპანიის სიდიდეზე.

შეუძლია უცხოელს საქართველოში მიწის ყიდვა?

არასასოფლო-სამეურნეო მიწის — დიახ. სასოფლო-სამეურნეო მიწის — მხოლოდ მემკვიდრეობით, ხოლო კომპანიას უცხოელი დომინანტი პარტნიორით — საინვესტიციო გეგმით და მთავრობის გადაწყვეტილებით.

ორმაგი მოქალაქე ვარ — შემიძლია სასოფლო-სამეურნეო მიწის ყიდვა?

დიახ. ორმაგი მოქალაქეობის მქონე პირი ამ კანონის მიზნებისთვის საქართველოს მოქალაქედ ითვლება.

გაყიდვისას გადასახადს ვიხდი?

ბინას ან სახლს, რომელიც 2 წელზე მეტი ხნით გეკუთვნოდათ, გადასახადის გარეშე ყიდით. სხვა შემთხვევებს ინდივიდუალურად ვამოწმებთ.

საქართველოში ციფრული მომთაბარის ვიზა არსებობს?

ცალკე ასეთი ვიზა დღეს არ გაიცემა. ბევრი ქვეყნის მოქალაქეს შეუძლია უვიზოდ 1 წელი დარჩეს; უფრო დიდხანს დარჩენისთვის ბინადრობის ნებართვა გჭირდებათ.

შემიძლია უვიზოდ ყოფნისას უცხოურ კომპანიას დისტანციურად ვუმუშავო?

დიახ. შრომითი მიგრაციის კანონი, როგორც წესი, მუშაობის უფლებას არ მოითხოვს, თუ სამუშაო უცხოური კომპანიის საზღვარგარეთ საქმიანობას ეხება. გადასახადი კი, როგორც წესი, საქართველოში უნდა გადაიხადოთ — გამონაკლისია არარეზიდენტი, რომელიც საქართველოში წელიწადში 30 დღემდე მუშაობს უცხოელი დამსაქმებლისთვის.

უცხოურ ხელფასზე საქართველოში გადასახადი უნდა გადავიხადო?

დიახ, თუ სამუშაოს საქართველოში ყოფნისას ასრულებთ: 20% წლიური დეკლარაციით. თუ საქართველოში წელიწადში 30 დღემდე მუშაობთ და არარეზიდენტი ხართ, ხელფასი არ იბეგრება.

უცხოური ხელფასი 1%-იანი ინდმეწარმით შეიძლება დაიბეგროს?

არა. ხელფასი 1%-ში არ შედის. თუ რეალურად მომსახურებას უწევთ და არა დაქირავებით მუშაობთ, ეს ხელშეკრულებაში უნდა ჩანდეს — ხელშეკრულებას ჩვენ ვამოწმებთ.

ჩემს ქვეყანაშიც მომიწევს გადასახადის გადახდა?

შესაძლოა. ეს თქვენი ქვეყნის რეზიდენტობის წესებზე და საქართველოსთან ორმაგი დაბეგვრის ხელშეკრულებაზეა დამოკიდებული. ორივე მხარეს ვამოწმებთ.

საქართველოში დაბადებული ბავშვი საქართველოს მოქალაქე ხდება?

მხოლოდ დაბადებით — არა. მოქალაქეობას იღებს, თუ ერთ-ერთი მშობელი საქართველოს მოქალაქეა, ან თუ საქართველოში დაიბადა და მშობლები საქართველოში სტატუსის მქონე მოქალაქეობის არმქონე პირები არიან (ან ერთი ასეთი პირია, მეორე კი უცნობია).

რა ღირს დაბადების მოწმობა?

დაბადების მოწმობა უფასოა.

რა უნდა გავაკეთო, რომ მოწმობა ჩემს ქვეყანაში ცნონ?

მოწმობას აპოსტილი და თარგმანი სჭირდება; შემდეგ ბავშვს თქვენი ქვეყნის საკონსულოში არეგისტრირებთ.

მეორე მშობლის თანხმობა საჭიროა ბავშვთან ერთად გასასვლელად?

უცხოელი ბავშვისთვის საქართველოს კანონი ამას არ ითხოვს, თუ სასამართლოს აკრძალვა არ არსებობს. თქვენი ქვეყნის წესები შეიძლება განსხვავდებოდეს.

რამდენ ხანს შეიძლება უცხოური ნომრით მანქანა საქართველოში იყოს?

90 კალენდარული დღე. შემდეგ ან უნდა გავიდეს, ან განბაჟდეს, ან დროებითი შემოტანის პროცედურაში მოექცეს — 3 წლამდე.

რა ჯარიმაა 90 დღის გადაცილებისთვის?

50 ლარი ყოველ დღეზე, მაქსიმუმ 1 000 ლარი.

შემიძლია უცხოური ნომრით მანქანის საქართველოში გაყიდვა?

მხოლოდ განბაჟების შემდეგ. განბაჟების გარეშე გაყიდვის ან გადაცემისთვის ჯარიმა საიმპორტო გადასახდელების 100%-ია.

რამდენი ჯდება განბაჟება 2026 წელს?

აქციზი 0–6 წლის მანქანაზე 1,50 ლარია, 6 წელზე ძველზე — 4,50 ლარი 1 სმ³-ზე, მარჯვენასაჭიანზე — სამმაგი. დამატებით იმპორტის გადასახადი; დღგ არ არის.

შეიძლება წლის ბოლოს გასვლა და მაშინვე დაბრუნება?

კანონი ამას პირდაპირ არ კრძალავს. მაგრამ სასაზღვრო პოლიციას შეუძლია უარი გითხრათ, თუ ეჭვი აქვს, რომ აქ კანონიერი საფუძვლის გარეშე ცხოვრობთ ან მუშაობთ.

ბინადრობის ნებართვის გარეშე რამდენ ხანს შემიძლია ვიყო?

თუ თქვენი ქვეყანა ერთწლიან ჩამონათვალშია — 1 წელი შემოსვლიდან. სხვა შემთხვევაში — 90 დღე ნებისმიერ 180 დღეში ან ვიზაში მითითებული ვადა.

ამერიკული ან შენგენის ვიზით შეიძლება შემოსვლა?

დიახ, თუ ეს ქვეყანა მთავრობის №256 დადგენილების ჩამონათვალშია (მაგალითად, აშშ, ევროკავშირის ქვეყნების უმეტესობა, დიდი ბრიტანეთი) — 90 დღით ნებისმიერ 180 დღეში. ვიზა ან ბინადრობა შემოსვლის დღეს მოქმედი უნდა იყოს. სრული ჩამონათვალი ამ გვერდზეა.

რა ხდება, თუ ვადა გადავაცილე?

ჯარიმა 1 000–3 000 ლარი და შემოსვლის აკრძალვა 6 თვიდან 3 წლამდე, გადაცილების ხანგრძლივობის მიხედვით. ჯარიმის გადახდა აკრძალვას არ აუქმებს.

რამდენის შემოტანა შეიძლება უბაჟოდ თვითმფრინავით?

პირადი მოხმარების ნივთები 3 000 ლარამდე და 30 კგ-მდე.

რამდენი ნაღდი ფულის შემოტანა შეიძლება საქართველოში?

30 000 ლარამდე (ან ეკვივალენტი) — დეკლარირების გარეშე. მეტი თანხა უნდა დაადეკლარიროთ.

რამდენი ალკოჰოლის და სიგარეტის შემოტანა შეიძლება?

1 ლიტრი 22%-ზე მაგარი სასმელი ან 2 ლიტრი უფრო სუსტი; 200 ღერი სიგარეტი ან 50 სიგარა, ან 250 გ თამბაქო.

შეიძლება ვეიპის შემოტანა საქართველოში?

დიახ, პირადი მოხმარებისთვის. მგზავრს უბაჟოდ შეუძლია შემოიტანოს ჯამში 50 მლ სითხე; მეტზე იხდით აქციზს — 1,20 ლარი 1 მლ-ზე. თავად მოწყობილობა ჩვეულებრივი ნივთების ლიმიტში შედის.

საცხოვრებლად გადმოვდივარ — ნივთებს გადასახადი აქვს?

არა — ავეჯი, საყოფაცხოვრებო ნივთები და ოჯახზე ერთი სატრანსპორტო საშუალება უბაჟოდ შემოდის, თუ გადმოსვლა იუსტიციის სამინისტროს დოკუმენტით დასტურდება.

შეიძლება საქართველოში ქუჩაში ალკოჰოლის დალევა?

არა. ქუჩაში, პარკში, სკვერში, სტადიონზე და ტრანსპორტში სმა 50-დან 150 ლარამდე ჯარიმით ისჯება. შეიძლება მაღაზიაში, კაფესა და ბარში.

უცხოელს იგივე ჯარიმა აქვს, რაც საქართველოს მოქალაქეს?

დიახ. კანონით უცხოელი მოქალაქის თანაბრად აგებს პასუხს. გამონაკლისია დიპლომატიური იმუნიტეტი.

მარიხუანა საქართველოში ლეგალურია?

კერძო საცხოვრებელში მოხმარება არ ისჯება, თუ იქ არასრულწლოვანი არ არის — მის თანდასწრებით, სახლშიც, ჯარიმა 1 000-დან 1 500 ლარამდეა (45¹ მუხლი). სხვა შენობაში მოხმარება 500-დან 1 000 ლარამდე ჯარიმაა, ქუჩაში, კაფეში ან ტრანსპორტში — 800-დან 1 200 ლარამდე, მცირე ოდენობით შენახვა — 500 ლარი. გასაღება და შემოტანა დანაშაულია.

რა ხდება, თუ ჯარიმა არ გადავიხადე და წავედი?

შემდეგ ჩამოსვლისას შეიძლება შემოსვლაზე ან ვიზაზე უარი გითხრან. ჯარიმა და საურავი საზღვრის კვეთისას უნდა გადაიხადოთ.

შემიძლია უცხოეთიდან მინდობილობა გავუფორმო ადვოკატს საქართველოში?

დიახ. გარიგება შეიძლება წარმომადგენლის მეშვეობით დაიდოს (სამოქალაქო კოდექსის 103-ე მუხლი). მინდობილობა შეგიძლიათ დაამოწმოთ თქვენი ქვეყნის ნოტარიუსთან, საქართველოს საელჩოში ან საკონსულოში, ხოლო თუ საქართველოს ბინადრობის მოწმობა გაქვთ — ონლაინ, საქართველოს ნოტარიუსთან.

სჭირდება უცხოეთში დამოწმებულ მინდობილობას აპოსტილი?

როგორც წესი, დიახ — აპოსტილი ან ლეგალიზაცია („ნოტარიატის შესახებ“ კანონის 55-ე მუხლი). არ სჭირდება, თუ საქართველოს საერთაშორისო ხელშეკრულება სხვა წესს ადგენს (56-ე მუხლი): აზერბაიჯანის, სომხეთის, ბელარუსის, ყაზახეთის, ყირგიზეთის, მოლდოვის, რუსეთის, ტაჯიკეთის, თურქმენეთის, უზბეკეთისა და უკრაინის დოკუმენტებს — მინსკის 1993 წლის კონვენციით, ბულგარეთისა და თურქეთის დოკუმენტებს — ორმხრივი ხელშეკრულებებით.

შემიძლია მინდობილობა ონლაინ დავამოწმო საქართველოს ნოტარიუსთან?

საქართველოს ნოტარიუსთა პალატის ინფორმაციით, ონლაინ სანოტარო მომსახურებით სარგებლობა შეუძლია საქართველოს მოქალაქეს ან საქართველოს ბინადრობის მოწმობის მქონე პირს, მსოფლიოს ნებისმიერი ქვეყნიდან. თუ ბინადრობის მოწმობა არ გაქვთ, გამოიყენეთ თქვენი ქვეყნის ნოტარიუსი ან საქართველოს საელჩო.

ადვოკატს მინდობილობა სჭირდება?

გამოძიებასა და სასამართლოში — არა: ადვოკატი ხელშეკრულების საფუძველზე მუშაობს და ორდერს წარადგენს („ადვოკატთა შესახებ“ კანონის მე-19 მუხლი). სხვა შემთხვევაში — მაგალითად, ნოტარიუსთან, საჯარო რეესტრში ან იუსტიციის სახლში — ადვოკატი მინდობილობის საფუძველზე მოქმედებს (სამოქალაქო კოდექსის 103-ე მუხლი).

შემიძლია მინდობილობა გავაუქმო?

დიახ. მინდობილობა წყდება თქვენ მიერ გაუქმებით (სამოქალაქო კოდექსის 109-ე მუხლი). გაუქმება მესამე პირებს უნდა ეცნობოს (108-ე მუხლი), წარმომადგენელმა კი მინდობილობა უნდა დაგიბრუნოთ (110-ე მუხლი).

სად და როგორ შევატყობინო დანაშაულის შესახებ?

გამომძიებელს ან პროკურორს — წერილობით ან ზეპირად. ზეპირ შეტყობინებაზე ოქმი დგება და გეკუთვნით შეტყობინების დამადასტურებელი წერილობითი ცნობა (101-ე მუხლი).

ქართული არ ვიცი — თარჯიმანი მეკუთვნის?

დიახ. დაზარალებულს, ისევე როგორც მოწმეს, უფლება აქვს, ჩვენება მისცეს მშობლიურ ან სასურველ ენაზე და ისარგებლოს თარჯიმნით სახელმწიფოს ხარჯზე (49-ე და 56-ე მუხლები).

მალე ვტოვებ საქართველოს — საქმე გაგრძელდება?

გამოძიების დაწყების ვალდებულება არ არის დამოკიდებული იმაზე, სად იმყოფებით (100-ე მუხლი). წასვლამდე შესაძლებელია ჩვენების მიცემა მაგისტრატ მოსამართლესთან (114-ე მუხლი), შემდეგ კი ადვოკატს შეუძლია თქვენი წარმომადგენლობა მინდობილობით.

დაბრუნდება მოპარული ნივთი ან თანხა?

დაზარალებულს უფლება აქვს, დაიბრუნოს საქმისთვის ჩამორთმეული მისი ქონება და კოდექსით დადგენილი წესით მიიღოს კომპენსაცია დანაშაულით პირდაპირ მიყენებული ქონებრივი ზიანისთვის (57-ე მუხლი).

რა ვადაში შეუძლია კომპანიას დაზიანების ანაზღაურება მომთხოვოს?

მანქანის დაბრუნებიდან 6 თვის განმავლობაში (სამოქალაქო კოდექსის 573-ე მუხლი).

ცვეთისთვისაც უნდა გადავიხადო?

არა. მანქანა უნდა დააბრუნოთ იმ მდგომარეობაში, რომელშიც მიიღეთ, ნორმალური ცვეთის გათვალისწინებით (564-ე მუხლი).

ხელშეკრულებაში ძალიან დიდი ჯარიმაა — ვალდებული ვარ, გადავიხადო?

მომხმარებლის უფლებების დაცვის კანონით, ბათილია სტანდარტული პირობა, რომელიც ზიანის ოდენობაზე მეტი თანხის გადახდას აკისრებს მომხმარებელს (22-ე მუხლის მე-3 პუნქტის „ვ“ ქვეპუნქტი). კონკრეტული პირობა საქმის გარემოებებით ფასდება.

მანქანის ონლაინ ჯავშანზე 14 დღეში უარის თქმა შემიძლია?

ამ უფლებას კანონი არ ითვალისწინებს სატრანსპორტო საშუალების ქირავნობისთვის, თუ ხელშეკრულებაში თარიღი ან პერიოდია მითითებული (მომხმარებლის უფლებების დაცვის კანონის 14-ე მუხლი). ჯავშნის გაუქმების პირობებს ხელშეკრულება ადგენს.

რა ვადაში უნდა მოვითხოვო ანაზღაურება?

3 წლის განმავლობაში იმ მომენტიდან, როცა შეიტყვეთ ზიანის ან მის ანაზღაურებაზე ვალდებული პირის შესახებ (სამოქალაქო კოდექსის 1008-ე მუხლი).

ტრანსპორტში დავშავდი — უნდა დავამტკიცო მძღოლის ბრალი?

მგზავრების გადასაყვანი სატრანსპორტო საშუალების მფლობელი ზიანს ანაზღაურებს მისი ექსპლუატაციის შედეგად მიყენებული დაზიანებისთვის; დაუძლეველი ძალა მას ათავისუფლებს, გარდა საავიაციო ტრანსპორტისა (999-ე მუხლი).

მორალური ზიანის ანაზღაურებაც შეიძლება?

დიახ — სხეულის დაზიანების ან ჯანმრთელობისთვის ვნების მიყენებისას (413-ე მუხლის მე-2 ნაწილი).

მკურნალობის თანხა წინასწარ შემიძლია მოვითხოვო?

დიახ. დაზარალებულს უფლება აქვს, მკურნალობის ხარჯები წინასწარ მოითხოვოს (408-ე მუხლის მე-3 ნაწილი).

რა ღირებულების ქონებაა საჭირო ბინადრობისთვის?

მოკლევადიანი ბინადრობისთვის — 150 000 აშშ დოლარზე მეტი, საინვესტიციოსთვის — 300 000 აშშ დოლარზე მეტი საბაზრო ღირებულების ქონება (კანონის მე-15 მუხლის „კ“ და „თ“ ქვეპუნქტები). სასოფლო-სამეურნეო მიწა არ ითვლება.

ღირებულება ნასყიდობის ფასით დგინდება?

არა. საბაზრო ღირებულებას ადგენს აკრედიტებული ორგანოს სერტიფიცირებული შემფასებელი (მე-15 მუხლი).

ოჯახის წევრებიც იღებენ ნებართვას?

მოკლევადიანი ნებართვა გაიცემა მეუღლესა და შვილებზეც; საინვესტიციო და უვადო — მეუღლეზე, არასრულწლოვან შვილზე და კანონით ჩამოთვლილ კმაყოფაზე მყოფ პირებზე (მე-15 მუხლი).

ქონება რომ გავყიდო, ნებართვა შეწყდება?

მოკლევადიანი — დიახ (მე-16 მუხლი). საინვესტიციო — არა, თუ გაყიდვამდე სააგენტოს წარუდგენთ ამონაწერს იმავე ან უფრო ძვირი სხვა ქონების საკუთრებაზე (21-ე მუხლის 1³ პუნქტი).

საქართველოში ჩამოსვლა აუცილებელია?

სააგენტოს შეგიძლიათ მიმართოთ უფლებამოსილი წარმომადგენლის მეშვეობით და განცხადების შეტანა ელექტრონულადაც შეიძლება (მე-17 მუხლის 1-ლი და მე-3 პუნქტები). ქონების ყიდვაც შეიძლება მინდობილობით.

რა უნდა გავაკეთო პირველ რიგში?

გაარკვიეთ, რამდენ ხანს შეგიძლიათ ყოფნა უვიზოდ, და რომელი ბინადრობის ნებართვა შეესაბამება თქვენს მიზანს — მუშაობას, ბიზნესს, ოჯახს თუ ქონებას. ბინადრობის სახეებს კანონის მე-15 მუხლი ჩამოთვლის.

როდის ვხდები საგადასახადო რეზიდენტი?

თუ ნებისმიერ უწყვეტ 12 კალენდარულ თვეში საქართველოში 183 დღე ან მეტს იმყოფებით — მთელი იმ საგადასახადო წლისთვის (საგადასახადო კოდექსის 34-ე მუხლი).

1% გადასახადი ყველას ეხება?

არა. 1% მცირე ბიზნესის სტატუსის მქონე ინდმეწარმის შემოსავალზე ვრცელდება; წლიური შემოსავლის 500 000 ლარის გადაჭარბებისას — 3% (საგადასახადო კოდექსის 89-ე და 90-ე მუხლები). ხელფასი 1%-ში არ შედის.

შემიძლია ყველაფერი საზღვარგარეთიდან მოვაგვარო?

ბევრი ნაბიჯი — მაგალითად, ქონების ყიდვა ან კომპანიის რეგისტრაცია — მინდობილობით შეიძლება. ბინადრობის ნებართვისთვის სააგენტოს მიმართვა წარმომადგენლის მეშვეობითაც შეიძლება (კანონის მე-17 მუხლი).

არსებობს საქართველოში პენსიონერის ვიზა ან ბინადრობა?

არა. უცხოელთა კანონი პენსიონერებისთვის ცალკე ბინადრობას არ ითვალისწინებს. იყენებენ უვიზო ყოფნას ან ბინადრობას ქონებით, ინვესტიციით, ოჯახით და სხვა საფუძვლით.

იბეგრება უცხოური პენსია საქართველოში?

თუ საქართველოს რეზიდენტი ხართ, უცხოური გადამხდელის პენსია საქართველოში გადასახადისგან თავისუფალია (საგადასახადო კოდექსის 82-ე მუხლის 1-ლი ნაწილის „ფ“ ქვეპუნქტი). არარეზიდენტი საქართველოში მხოლოდ საქართველოში არსებული წყაროს შემოსავალზე იხდის.

რამდენი ღირს ბინა ბინადრობისთვის?

მოკლევადიანი ბინადრობისთვის — საბაზრო ღირებულებით 150 000 აშშ დოლარზე მეტი უძრავი ქონება; საინვესტიციოსთვის — 300 000 აშშ დოლარზე მეტი.

იბეგრება საქართველოში უცხოური დივიდენდი?

რეზიდენტი ფიზიკური პირისთვის — არა: უცხოური კომპანიის დივიდენდი საქართველოში არსებული წყაროს შემოსავალი არ არის და 82-ე მუხლის 1-ლი ნაწილის „ფ“ ქვეპუნქტით თავისუფალია.

საზღვარგარეთის კლიენტისთვის საქართველოდან ვმუშაობ — ეს უცხოური შემოსავალია?

არა ყოველთვის. საქართველოში ფიზიკურად გაწეული მომსახურება საქართველოში არსებული წყაროს შემოსავალია (104-ე მუხლის 1-ლი ნაწილის „გ“ ქვეპუნქტი), ამიტომ იბეგრება.

კრიპტოს გაყიდვაზე გადასახადს ვიხდი?

საგადასახადო კოდექსი კრიპტოს შემოსავლის წყაროს ცალკე არ განსაზღვრავს. სიცხადისთვის შეგიძლიათ შემოსავლების სამსახურს წინასწარი გადაწყვეტილება სთხოვოთ (47-ე მუხლი).

ავარია მოხდა საქართველოში — სად დავრეკო?

112-ზე. თუ ვინმე დაშავდა, გამოიძახეთ სასწრაფოც. პოლიციას დაელოდეთ ადგილზე.

თუ არავინ დაშავდა, პოლიციის მოსვლა აუცილებელია?

თუ არავინ დაშავებულა, მძღოლებს შეთანხმებით შეუძლიათ შეადგინონ სქემა, მოაწერონ ხელი და ფაქტის გასაფორმებლად საპატრულო პოლიციის უახლოეს დანაყოფში მივიდნენ.

რა მოხდება, თუ ავარიის ადგილს დავტოვებ?

ადგილის მიტოვება 250 ლარით და მართვის უფლების 6 თვით შეჩერებით ისჯება (123-ე მუხლის მე-2 ნაწილი). თუ ადამიანი დაშავდა, შეიძლება სისხლის სამართლის საქმე დაიწყოს.

მოითხოვეთ კონსულტაცია

დატოვეთ სახელი და ნომერი — დაგირეკავთ ერთი სამუშაო დღის განმავლობაში.

დაცულია ადვოკატის საიდუმლოებით

კონსულტაცია 300 ₾-დან

გჭირდებათ იურიდიული რჩევა? ესაუბრეთ ადვოკატს დღესვე.

კონსულტაცია კონფიდენციალურია, ღირებულება — 300 ₾-დან.

როგორ გნებავთ დაგვიკავშირდეთ?

ორშ–პარ 10:00–18:00. კონსულტაცია — 300 ₾-დან.

დაკავებისას — WhatsApp 24/7
დარეკვა ახლავე+995 551 00 43 00 WhatsAppმოგვწერეთ ან დაგვირეკეთ WhatsApp-ით

↑↓ არჩევა · Enter გახსნა · Esc დახურვა