კორუფციული დანაშაულის ადვოკატი საქართველოში

კორუფციული და სამსახურებრივი დანაშაულები სისხლის სამართლის კოდექსის XXXIX თავშია. ეს მძიმე ბრალდებებია: ქრთამის აღება 6 წლიდან ისჯება და ხშირად მოჰყვება თანამდებობის დაკავების უფლების ჩამორთმევა.

ამ საქმეებში მტკიცებულებები ხშირად ფარული საგამოძიებო მოქმედებებით მოიპოვება — ფარული ჩაწერით, კონტროლირებადი გადაცემით. ამიტომ დაცვისთვის გადამწყვეტია, რამდენად კანონიერად მოიპოვეს ისინი.

რა საქმეებს ვატარებთ

• ქრთამის აღება (338-ე მუხლი): 6-დან 9 წლამდე; დიდი ოდენობით (10 000 ლარზე მეტი) — 7-დან 11 წლამდე; განსაკუთრებით დიდი ოდენობით (30 000 ლარზე მეტი) ან გამოძალვით — 11-დან 15 წლამდე
• ქრთამის მიცემა (339-ე მუხლი): 3 წლამდე, უკანონო ქმედების ჩასადენად — 4-დან 7 წლამდე
• ზეგავლენით ვაჭრობა (339¹ მუხლი)
• სამსახურებრივი უფლებამოსილების ბოროტად გამოყენება (332-ე მუხლი) და გადამეტება (333-ე მუხლი)

ქრთამის მიმცემის გათავისუფლება

კანონით, ქრთამის მიმცემი თავისუფლდება სისხლის სამართლის პასუხისმგებლობისგან, თუ ამის შესახებ ნებაყოფლობით განაცხადა სისხლის სამართლის პროცესის მწარმოებელ ორგანოში. გადაწყვეტილებას ეს ორგანო იღებს — ამიტომ ეს ნაბიჯი ადვოკატთან ერთად უნდა დაიგეგმოს.

რას ვამოწმებთ

• ფარული საგამოძიებო მოქმედებების კანონიერებას და სასამართლოს ნებართვას
• ხომ არ იყო პროვოკაცია
• არის თუ არა პირი „მოხელე“ კანონის მნიშვნელობით
• ნამდვილად იყო თუ არა ქრთამი და არა, მაგალითად, სესხი ან საჩუქარი