ფინანსური დანაშაულის დაზარალებული — ზიანის ანაზღაურება

2025 წლის სექტემბერში სისხლის სამართლის საპროცესო კოდექსს დაემატა დაზარალებულის კომპენსაციის წესი (165³–165⁸ მუხლები). გამამტყუნებელი განაჩენით მსჯავრდებულს კომპენსაციის გადახდა ეკისრება, თუ ის ცნობილია დამნაშავედ, მაგალითად, დიდი ოდენობით თაღლითობის, გამოძალვის ან მითვისებისთვის, 10 000 ლარზე მეტი ზიანით ნივთის დაზიანებისთვის, საწარმოში უფლებამოსილების ბოროტად გამოყენებისთვის ან კომპიუტერული დანაშაულისთვის — და დაზარალებული წერილობით არ თქვა უარი კომპენსაციაზე.

კომპენსაცია ჯერ მსჯავრდებულის ქონებიდან იფარება, შემდეგ — იმ ქონებიდან, რომელიც მან ახლობლებს ან სხვა პირებს უსასყიდლოდ ან იაფად გადასცა. ქონებას ყადაღა ედება, ხოლო მსჯავრდებულს — საქართველოს მოქალაქეს ან სტატუსის მქონე პირს — ქვეყნიდან გასვლა ეკრძალება, სანამ კომპენსაციას არ გადაიხდის ან დაზარალებული უარს არ იტყვის. ამასთან, მსჯავრდებულისთვის კანონით დადგენილზე მეტი სარგებლის გადაცემა ცალკე დანაშაულია.