ნასამართლობის ცნობა — როგორ ავიღოთ, ფასი, აპოსტილი

ცნობაში ჩანს ინფორმაცია ნასამართლობისა და ძებნის შესახებ (შსს მინისტრის №892 ბრძანება, მე-15 მუხლი). ცნობას იღებს თავად პირი, მისი წერილობითი თანხმობით — სხვა პირი, ან წარმომადგენელი მინდობილობით. მოთხოვნა შეიძლება ონლაინ, მომსახურების სააგენტოს ვებგვერდზე ან აპლიკაციაში, ან სააგენტოს ნებისმიერ ფილიალში.

ცნობის საფასური 20 ლარია და მზადდება 3 სამუშაო დღეში; 1 დღეში — 40 ლარი. აპოსტილი 20 ლარია (5 სამუშაო დღე), 1 დღეში — 50 ლარი; თარგმანი — 20 ლარი გვერდზე. გაქარწყლებული ან მოხსნილი ნასამართლობის შესახებ ცალკე ცნობა გაიცემა — 30 ლარი.

მოკლედ

რა უნდა იცოდეთ

• ცნობა 15 კალენდარული დღე მოქმედებს — მოითხოვეთ მაშინ, როცა ნამდვილად გჭირდებათ
• საზღვარგარეთ წარსადგენად ცნობას, როგორც წესი, აპოსტილი და თარგმანი სჭირდება
• საზღვარგარეთ მყოფს ცნობის აღება წარმომადგენლის მეშვეობით შეუძლია — მინდობილობით
• თუ ცნობაში ნასამართლობა ჩანს, ვამოწმებთ, გაქარწყლდა თუ არა და შეიძლება თუ არა მისი ვადამდე მოხსნა

უცხოელებისთვის

ბინადრობის ნებართვის ზოგადი წესი (მთავრობის №520 დადგენილება) თქვენი ქვეყნის ნასამართლობის ცნობას არ ითხოვს — სააგენტო ინფორმაციას თავად ამოწმებს. ნებართვაზე შეიძლება უარი გეთქვათ, თუ ძებნილი ხართ ან საქართველოში ნასამართლევი. თუ საქართველოში ცხოვრობდით, საქართველოს ცნობის აღება შეგიძლიათ — მაგალითად, სხვა ქვეყანაში ვიზისთვის ან სამსახურისთვის.