# IT კომპანიები და სპეციალისტები

საქართველოში IT-ზე ცალკე „საიმიგრაციო“ კანონი არ არსებობს, მაგრამ არის სამი საგადასახადო რეჟიმი, რომლებითაც IT სპეციალისტები და კომპანიები სარგებლობენ. ვეხმარებით სწორი რეჟიმის არჩევაში, რეგისტრაციაში, სტატუსის მიღებაში და მუშაობის უფლების საკითხებში.

- კონფიდენციალურობა

- ქართული · English · Русский

- პირველი კონსულტაცია უფასოა

- ყველა ინსტანციის სასამართლოში

ინდმეწარმე მცირე ბიზნესის სტატუსით ბრუნვიდან 1%-ს იხდის და ყველაზე მარტივი გზაა ფრილანსერისთვის. ვირტუალური ზონის პირი არის IT კომპანია, რომლის მიერ შექმნილი IT პროდუქტის საქართველოს ფარგლებს გარეთ მიწოდებით მიღებული მოგება მოგების გადასახადით არ იბეგრება. საერთაშორისო კომპანია იხდის 5%-იან მოგების გადასახადს, მისი დასაქმებულების ხელფასი 5%-ით იბეგრება, ხოლო დივიდენდი არ იბეგრება.
შედარებისთვის: ჩვეულებრივ მოგების გადასახადი 15%-ია (განაწილებულ მოგებაზე), ხოლო ფიზიკური პირის შემოსავალი 20%-ით იბეგრება.

## სამი რეჟიმი ერთ ცხრილში

ინდმეწარმე 1%ვირტუალური ზონასაერთაშორისო კომპანიავისთვისფრილანსერიIT კომპანია (შპს)IT კომპანია გუნდითგადასახადი1% ბრუნვიდან0% — საზღვარგარეთ მიწოდებაზე5% მოგება, 5% ხელფასივინ ანიჭებსშემოსავლების სამსახურისაფინანსო-ანალიტიკური სამსახურისაქართველოს მთავრობავადა—10 სამუშაო დღემთავრობის განკარგულებით

## ვირტუალური ზონის პირი

- მხოლოდ იურიდიული პირისთვის — ინდმეწარმე ამ სტატუსს ვერ მიიღებს

- განცხადება ელექტრონულად, ფინანსთა სამინისტროს ვებგვერდზე; სტატუსი — 10 სამუშაო დღეში, სერტიფიკატი — კიდევ 2 დღეში

- საზღვარგარეთ მიწოდებული IT პროდუქტის მოგება არ იბეგრება; საქართველოში მიწოდება ჩვეულებრივ იბეგრება

- საქმიანობისთვის ლიცენზია და ნებართვა არ სჭირდება

- რა ითვლება „საზღვარგარეთ მიწოდებად“, შემოსავლების სამსახური საკუთარი პრაქტიკით ამოწმებს — კონტრაქტები წინასწარ უნდა შემოწმდეს

## საერთაშორისო კომპანია

- საჭიროა ნებადართული IT საქმიანობის სულ მცირე 2 წლის გამოცდილება — თავად კომპანიის, უცხოური კომპანიის, რომლის წარმომადგენელიცაა, ან 50%-ზე მეტი წილის მქონე პარტნიორების

- საქმიანობა რეალურად საქართველოში უნდა ხორციელდებოდეს: კვალიფიციური კადრები და საოპერაციო ხარჯები

- განცხადება შემოსავლების სამსახურს; გადაწყვეტილებას მთავრობა იღებს; სტატუსი უვადოა

- სხვა შემოსავალი წელიწადში ნებადართული საქმიანობის შემოსავლის 2%-ს არ უნდა აღემატებოდეს

- ამ პირობების დარღვევისას სტატუსი უქმდება მინიჭების დღიდან — ანუ გადასახადი მთელ პერიოდზე ხელახლა გამოითვლება

## მუშაობის უფლება — 2026 წლიდან

2026 წლის 1 მარტიდან უცხოელს, რომელიც საქართველოში ინდმეწარმედ ან დაქირავებით მუშაობს, შრომითი საქმიანობის უფლებაც სჭირდება — და შესაბამისი ბინადრობის ნებართვა ან ვიზა. მხოლოდ კომპანიის ან ინდმეწარმის რეგისტრაცია ამისთვის საკმარისი აღარ არის. მუდმივი ბინადრობის ნებართვის მქონე უცხოელზე ეს წესი არ ვრცელდება.

## ჩვენი მომსახურება

- რეჟიმის შერჩევა: ინდმეწარმე, ვირტუალური ზონა თუ საერთაშორისო კომპანია

- შპს-ის და ინდმეწარმის რეგისტრაცია

- ვირტუალური ზონის სტატუსის მიღება

- საერთაშორისო კომპანიის სტატუსის განაცხადის მომზადება

- მუშაობის უფლება და ბინადრობის ნებართვა

- დავები შემოსავლების სამსახურთან

## კითხვები და პასუხები

### რომელი სჯობს — ინდმეწარმე 1% თუ ვირტუალური ზონა?

მარტო მომუშავე ფრილანსერისთვის ინდმეწარმე 1% ყველაზე მარტივია. ვირტუალური ზონა კომპანიისთვისაა და მაშინ ღირს, როცა IT პროდუქტს ძირითადად საზღვარგარეთ აწვდით და მოგების განაწილებას გეგმავთ. სწორი არჩევანი შემოსავალზე, კლიენტებზე და გეგმებზეა დამოკიდებული.

### შეიძლება ახლად შექმნილ კომპანიას საერთაშორისო კომპანიის სტატუსი მიენიჭოს?

შეიძლება, თუ 2-წლიანი IT გამოცდილება აქვს უცხოურ კომპანიას, რომლის წარმომადგენელიც არის, ან 50%-ზე მეტი წილის მქონე პარტნიორ კომპანიებს. ამასთან, საქმიანობა რეალურად საქართველოში უნდა ხორციელდებოდეს.

### რამდენ ხანში ენიჭება ვირტუალური ზონის სტატუსი?

განცხადებიდან არაუგვიანეს 10 სამუშაო დღეში, ხოლო სერტიფიკატი — სტატუსის მინიჭებიდან 2 სამუშაო დღეში.

### საკმარისია ინდმეწარმის რეგისტრაცია საქართველოში სამუშაოდ?

2026 წლის 1 მარტიდან — არა. საჭიროა შრომითი საქმიანობის უფლებაც და შესაბამისი ბინადრობის ნებართვა ან ვიზა.

## სამართლებრივი საფუძველი

- [საგადასახადო კოდექსი](https://matsne.gov.ge/ka/document/view/1043717)

- [„საინფორმაციო ტექნოლოგიური ზონების შესახებ“ კანონი](https://matsne.gov.ge/ka/document/view/1152405)

- [მთავრობის №619 დადგენილება — საერთაშორისო კომპანიის სტატუსი](https://matsne.gov.ge/ka/document/view/5012362)

- [„შრომითი მიგრაციის შესახებ“ კანონი](https://matsne.gov.ge/ka/document/view/2806732)

ოფიციალური ტექსტები — საქართველოს საკანონმდებლო მაცნე (matsne.gov.ge).

დაკავშირებული სფერო: [კორპორატიული სამართალი](https://mmlaw.ge/ka/korporatiuli-samartlis-advokati/)

## დაკავშირებული თემები

- [#უცხოელებისთვის](https://mmlaw.ge/ka/utskhoelebistvis/)

- [#ბიზნესი](https://mmlaw.ge/ka/korporatiuli-samartlis-advokati/)

- [#შრომითი ურთიერთობები](https://mmlaw.ge/ka/shromis-samartlis-advokati/)

-
- [მუშაობის ნებართვა და ი/მ · უცხოელებისთვის](https://mmlaw.ge/ka/utskhoelebistvis/mushaobis-nebartva-da-im/)

-
- [კომპანია და ბიზნესი · უცხოელებისთვის](https://mmlaw.ge/ka/utskhoelebistvis/kompaniis-registratsia/)

-
- [მუშაობის ნებართვა უცხოელისთვის საქართველოში 2026 წლიდან](https://mmlaw.ge/ka/blogi/mushaobis-nebartva-utskhoelistvis/)

-
- [ინდივიდუალური მეწარმე და 1% გადასახადი უცხოელისთვის](https://mmlaw.ge/ka/blogi/individualuri-metsarme-utskhoelistvis/)

-
- [შრომის სამართლის ადვოკატი](https://mmlaw.ge/ka/shromis-samartlis-advokati/)

-
- [კორპორატიული სამართლის ადვოკატი](https://mmlaw.ge/ka/korporatiuli-samartlis-advokati/)

-
- [შპს-ის რეგისტრაცია საქართველოში: რა გჭირდებათ](https://mmlaw.ge/ka/blogi/shps-is-registratsia/)

-
- [ქონების შეძენა · უცხოელებისთვის](https://mmlaw.ge/ka/utskhoelebistvis/konebis-shedzena/)

უცხოელებისთვის

## რაში დაგეხმარებით

- [სისხლის სამართლის საქმეები](https://mmlaw.ge/ka/utskhoelebistvis/siskhlis-samartlis-sakmeebi/) — დაცვა დაკავების ან ბრალდების შემთხვევაში — თარჯიმნით და საკონსულოსთან კავშირით.

- [იმიგრაციული საქმეები](https://mmlaw.ge/ka/utskhoelebistvis/imigratsiuli-advokati/) — შემოსვლაზე უარი, ვადის გადაცილება, გაძევება და ბინადრობაზე უარის გასაჩივრება — სწრაფად და თქვენს ენაზე.

- [ქონების შეძენა](https://mmlaw.ge/ka/utskhoelebistvis/konebis-shedzena/) — ქონების შემოწმება, უსაფრთხო ხელშეკრულება და საკუთრების რეგისტრაცია — ადგილზე ან დისტანციურად.

- [დავა დეველოპერთან](https://mmlaw.ge/ka/utskhoelebistvis/dava-developertan/) — მშენებლობა გვიანდება, დეველოპერი არ აბრუნებს თანხას ან ბინაზე იპოთეკაა — ვიცავთ მყიდველის ინტერესებს.

- [კომპანია და ბიზნესი](https://mmlaw.ge/ka/utskhoelebistvis/kompaniis-registratsia/) — შპს-ის ან ფილიალის რეგისტრაცია, ინდმეწარმის სტატუსი და ბიზნესის ამუშავება.

- [მუშაობის ნებართვა და ი/მ](https://mmlaw.ge/ka/utskhoelebistvis/mushaobis-nebartva-da-im/) — შრომითი საქმიანობის უფლება, ი/მ-ის რეგისტრაცია, მცირე ბიზნესის 1% და შესაბამისი ბინადრობა.

- [ბინადრობის ნებართვა](https://mmlaw.ge/ka/utskhoelebistvis/binadrobis-nebartva/) — სამუშაო, ბიზნეს, ქონებრივი, საოჯახო და საინვესტიციო ბინადრობა — განაცხადი, გაგრძელება და გასაჩივრება.

- [საოჯახო საქმეები](https://mmlaw.ge/ka/utskhoelebistvis/saojakho-sakmeebi/) — საერთაშორისო განქორწინება, ბავშვები და ალიმენტი, უცხოური გადაწყვეტილებების ცნობა.

---
Source: https://mmlaw.ge/ka/utskhoelebistvis/it-kompaniebi-da-spetsialistebi/ · MMLAW · +995 551 00 43 00 · info@mmlaw.ge